राजनीति
काठमाडौं । नेपाली कांग्रेसका सभापति शेरबहादुर देउवालाई रामचन्द्र पौडेल पक्षधरले सरकारमा सहभागी गराउँदा सम्मानजनक नभए नजाने चेतावनी दिएका छन् । मंगलबार विहान पौडेल पक्षधरका नेताहरुको अनामनगरमा बसेको बैठकले यस्तो निष्कर्ष निकालेको हो ।
“सरकारमा एक्लाएक्लै नजाने, समूहमा मात्रै जाने र सम्मानजनक नभए नजाने निष्कर्ष निकालेका छौं,” बैठकमा सहभागी एक नेताले बाह्रखरीसँग भने । यसबारेमा पौडेलले देउवाको ध्यानाकर्षण गराइसकेका छन् ।
पौडेलले आफ्नो पक्षबाट ६ जना सरकारमा सहभागी हुनुपर्ने बताउँदै आएका छन् । शेखर कोइराला, नविन्द्रराज जोशी, किरण यादव, सिता देवी यादव, सुरेन्द्र आचार्य, राजन केसी लगायतका नेताहरूलाई सरकारमा सहभागी गराउने प्रयास भईरहेको स्रोतले जानकारी दियो ।
बैठकमा सहभागी कांग्रेस नेता बलबहादुर केसीले सरकारमा सहभागीताका विषयमा आन्तरिक छलफल भएको बताए ।
प्रकाशित मिति: मंगलबार, साउन १८, २०७३ ११:१८
प्रतिक्रिया दिनुहोस्