काठमाडौं । नेपाली कथानक चलचित्र ‘च च हुई’को रिलिज डेट नजिकिँदै जाँदा प्रचारमा जुटेको छ । चलचित्रका मुख्य कलाकारहरु प्रचारप्रसारमा हिँडिरहेका छन् ।
मङ्सिर ६ गतेबाट प्रदर्शनमा आउने चलचित्र ‘च च हुई’ मुख्य पात्र आर्यन सिग्देल, र भोलाराज सापकोटा केही दिन अगाडि सांगीतिक रियालिटी शो ‘भ्वाइस अफ नेपाल’मा पुगेका थिए ।
चलचित्रमा आर्यन सिग्देल र भोला सापकोटा सँगै मिरुना मगर र माओत्से गुरुङ मुख्य भूमिकामा छन् । पछिल्लो समय लभ स्टोरी जानराका चलचित्रमा देखिँदै आएका अभिनेता आर्यन सिग्देलको रमकम जनरको चलचित्रमा देखिएका हुन् । दुई बेकामेले युवाको जीवनमा एउटा किताबले ल्याउने उतारचढावलाई यो चलचित्रमा समेटिएको छ ।
जीवनको पिङ ‘च च हुई’ गरेर मच्चिन खोज्दा आउने अवस्थालाई चलचित्रमा देखाइएको छ । आर्यन र भोला हङकङमा काम गरिरहेका दुइ युवाको भूमिकामा छन् भने मिरुना हिमाली भेगको युवतीको भूमिकामा छिन् । चलचित्र निर्देशन र सम्पादन साम्तेन भुटियाको रहेको छ ।