काठमाडौं । भारतले जारी गरेको नयाँ राजनीतिक नक्सामा नेपाली भूमि समावेश गरेको र नेपालका विभिन्न ठाउँमा भारतले सीमा अतिक्रमण गरेको विरोधमा मसाल जुलुस निकाल्ने नेपाल विद्यार्थी संघका कार्यकर्तालाई प्रहरीले पक्राउ गरेको छ ।
उनीहरुलाई माछापोखरी क्षेत्रबाट सोमबार बेलुका नियन्त्रणमा लिएको महानगरीय प्रहरी परीसर प्रमुख प्रहरी वरिष्ठ उपरीक्षक उत्तमराज सुवेदीले जानकारी दिए ।
नेविसंघले आफ्ना २१ कार्यकर्ता प्रहरीले नियन्त्रणमा लिएको दाबी गरेको छ । पक्राउ पर्नेहरुमा शुशिल भट्ट, निरञ्जन थापा, ईश्वर अधिकारी, सुवास घिमिरेलगायतलाई प्रहरीले नियन्त्रणमा लिएको नेविसंघले दाबी गरेको छ ।
भारतीय सीमा अतिक्रमणको विरोधमा नेविसंघले निरन्तर विरोध गरिरहेको छ ।