काठमाडौं । नेपाली कांग्रेसका नेता चन्द्र भण्डारीले नेपाललाई दु:ख दिए भारत पनि शान्त रहन नसक्ने बताएका छन् ।
सीमा अतिक्रमणसम्बन्धी अन्तरक्रियामा बोल्दै नेता भणडारीले नाकाबन्दीको बेलामा पनि सुनौली नाका नरोकिएको भन्दै त्यस्तो बताएका हुन् । बुटवलमा गोरखा फौजका परिवार रहेकाले भारतले नेपालसँगको संवेदनशिलता बुझ्नुपर्ने र नबुझे त्यसको असर भारतभित्रै पर्ने बताए ।
भारतको सीमा रक्षामा हजारौ गोर्खाहरू रहेको स्मरण गराउँद नेता भण्डारीले तिनै गोरखाहरूको भूमि मिच्दा भारत शान्त रहन नसक्ने बताए ।
उनले नेपालका नेताहरू मन्त्री र पैसाको लोभमा, छात्रवृत्तीको आशमा दूतावास धाउने गरेको भन्दै त्यस्ता नेताहरूलाई चिन्न पनि आग्रह गरे ।
बोली नबुझिने र बिरामी नेताबाट देशको रक्षा हुन नसक्ने भन्दै उनले अब कांग्रेस र कम्युनिष्ट पार्टीमा पनि नेतृथ्व परिवर्तन जरूरी रहेको बताए ।