काठमाडौं । ओस्कार इन्टरनेशनल कलेजका नयाँ विद्यार्थीलाई चलचित्रकर्मीले ओरेन्टेशन क्लास लिएका छन् । दीपकराज गिरी, बिनोद पौडेल लगायत चलचित्रकर्मीले आज ओस्कार इन्टरनेशनल कलेज पुगेर ओरेन्टेशन क्लास लिएका हुन् ।
क्लासमा दीपकराज गिरी, विनोद पौडेल तथा विषयगत शिक्षकले चलचित्र फ्याकल्टी, क्यामेरा, साउन्ड, सम्पादन, स्क्रिप्ट, निर्देशन, अभिनय, चलचित्रको बजार, स्कोप लगायतमा जानकारी दिएका थिए ।
एक सातासम्म चल्ने ओरेन्टेशन क्लास निश्चल बस्नेत, विमल सुवेदी, लक्ष्मीनाथ शर्मा, प्रदीप उपाध्याय, प्रवीन स्याङ्वो, दीपक बज्राचार्य लगायतले पनि लिने छन् । आरेन्टेशन क्लास एक हप्तासम्म चल्ने छ ।
आरेन्टेशनपछि प्रोजेक्ट वर्क अन्तरगत ९० जना विद्यार्थीले १०१० /जनाको समूहमा ९ वटा चलचित्र बनाउने छन् ।
पछिल्लो समय नेपालमा पनि फिल्म पढ्ने विद्यार्थीको संख्या बढ्दै गएको ओस्कार इन्टरनेशनल कलेजका प्रमुखसमेत रहेका बिनोद पौडेलले जानकारी दिए ।
दीपकराज गिरी सफल निर्देशक, कलाकार तथा निर्माता हुन् भने बिनोद पौडेल पनि सफल निर्देशक हुन् ।