काठमाडौं । नेपाल एयरलाइन्सका क्याप्टेन सुवर्ण अवाले ९३ हजार अमेरिकी डलरसहित पक्राउ परेका छन् ।
आइतबार राति काठमाडौंबाट दुबइको उडानका लागि विमानस्थल प्रवेश गर्दै गर्दा अवालेलाई पक्राउ गरिएको हो । उनलाई राति साढे दुई बजे गौशाला प्रहरी वृत्तमा ल्याइएको छ ।
उनले लैजान लागेको रकम कसको र कुन प्रयोजनका बारेमा भन्ने बारेमा अनुसन्धान गरिने प्रहरीले जनाएको छ ।
नेपालमा दुबईबाट अवैधानिक रुपले सुन आयात गरिने हुँदा सुन तस्करको रकम हुन सक्ने अनुमान गरिएको स्रोतले जानकारी दिएको छ ।
अवाले पक्राउ परेपछि महेशमान डंगोललाई क्याप्टेन बनाएर पठाइएको छ ।
महानगरीय प्रहरी आयुक्त बम बहादुर भण्डारीका अनुसार अवालेले राति साढे ११ बजे ९३ हजार ६ सय अमेरिकी डलर बोकेर विमानस्थल प्रवेश गरेका थिए ।