काठमाडौं । चन्द्रागिरी मेयर गोल्डकप ए डिभिजन प्रतियोगिता कात्तिक ३० बाट सुरू हुने भएको छ । आयोजक दीपशिखा युवा क्लबले कात्तिक ३० बाट मसिंर ७ सम्म नैकापस्थित नैकाप खेल मैदानमा प्रतियोगिता सञ्‍चालन हुने बताएको छ ।

चन्द्रागिरी गोल्डकप ए डिभिजन फुटबल प्रतियोगिताको दुई संस्करण सफलतापूर्वक सम्पन्न गरिसकेको छ । जसमध्ये दोस्रो प्रतियोगिता दीपशिखा युवा क्लबले नै आयोजना गरेको थियो ।

प्रतियोगितामा ए डिभिजनका ८ देखि १० टोलीले सहभागी जनाउने र सहभागी टोलीलाई दुई समूहमा विभाजन गरी नकआउटका आधारमा प्रतिस्पर्धा गर्ने आयोजकले बताएको छ ।

प्रतियोगितामा विजेता टोलीले पुरस्कार स्वरुप रु ६ लाख ५०,००० हजार प्राप्त गर्नुका साथै सर्वोकृष्ट खेलाडी र सर्वाधिक गोलकर्ता दुबैलाई रु ३०,००० पाउने आयोजकले जनाएको छ ।