खेल
काठमाडौं । काठमाडौंमा जारी वुमन्स च्याम्पियन्स लिग टी ट्वान्टी क्रिकेट प्रतियोगितामा विराटनगर टाइटन्सले क्याट क्विन्स काठमाडौंलाई ६९ रनको लक्ष्य दिएको छ । कीर्तिपुरको त्रिवि क्रिकेट मैदानमा टस जितेर ब्याटिङ रोजेको विराटनगर टाइटन्सले १७ दशमलव ३ ओभरमा सम्पूर्ण विकेट गुमाउँदै ६८ रनमात्र बनाउन सक्यो ।
विराटनगरका लागि सोनु खड्काले सर्वाधिक ३४ रनको योगदान दिइन् । उनले २५ बलमा ६ चौकाको सहायताले ३४ रन बनाइन् । ज्योति पाण्डेले १२ रनको योगदान दिइन् । आरती विडारीले ११ रनको योगदान गर्दा लक्ष्मी चौधरी र सरिता मगरले ३–३ रन मात्र जोडे । क्याट क्विन्स काठमाडौंकी रुविना क्षेत्रीले सर्वाधिक चार विकेट लिइन् ।
प्रकाशित मिति: मंगलबार, कात्तिक ५, २०७६ १३:०७
प्रतिक्रिया दिनुहोस्