‘सिने स्टार अवार्ड २०२०’ को लागी चलचित्र दर्ता आह्वान गरिएको छ । क्यानडाको टोरन्टोमा हुने अवार्डको लागि फिल्म दर्ता प्रक्रिया सुरु भैसकेको छ । वर्ष २०७५ भित्र प्रदर्शनमा आएका चलचित्रहरुले यही कात्तिक मसान्तभित्र दर्ता प्रक्रियामा सहभागी हुन सक्नेछन् । ‘भ्रमण वर्ष २०२०’ लाई लक्षित गरेर अवार्डको आयोजना गर्न लागिएको आयोजक संस्था हिल्सा इन्टरटेन्मेन्टले जानकारी दिएको छ ।

जनवरी ३१ तारिखमा हुने अवार्डको लागि मोहन निरौला, रमेश बुढाथोकी र दिनेश डिसी निर्णायक टिममा सदस्य छन् । टिमले अवार्डको लागि सहभागी हुने फिल्महरुबाट विभिन्न १२ विधामा उत्कृष्ट तीन छनोट गर्नेछ ।
अवार्डमा उत्कृष्ट फिल्म, निर्देशक, अभिनेता, अभिनेत्री, पटकथा, सिनेमाटोग्राफी, सम्पादन, संगीत, पार्श्व गायक, पार्श्व गायिका, सहअभिनेता, सहअभिनेत्री प्रतिस्पर्धी विधा समावेश छन् ।

मनोनयन सूची मंसिर दोश्रो साता सार्वजनिक गरिने बताइएको छ । प्रतिस्पर्धी विधासँगै नेपाली चलचित्र क्षेत्रमा लामो समयदेखि योगदान पुर्याउँदै आएका एक चलचित्रकर्मीलाई लाइफटाइम एचिभमेन्ट अवार्ड र निर्णायक टिमको तर्फबाट जुरी अवार्ड समेत प्रदान गरिने छ ।

हिल्सा इन्टरटेनमेन्ट प्रालि नेपालको मुख्य आयोजनामा हुने अवार्ड जीटीए लायन्स क्लब टोरन्टो क्यानडा र सिने मल्टीभिजन क्यानडाको सहकार्यमा हुँदैछ । दैनिक १ लाख बढी पर्यटकले भ्रमण गर्ने टोरन्टोमा अवस्थित विश्वकै सात आश्चर्य मध्येको एक ‘नायग्रा फल्स’मा नेपाली चलचित्र र नेपाली पहिचानलाई पुर्याउने प्रतिवद्धता आयोजकले व्यतm गरेको छ ।