एजेन्सी । इङलीस प्रिमियर लिग फुटबलमा टोटनह्याम र वाट्फोर्डले बराबरी खेलेका छन् । लिग अन्तर्गत गएराती सम्पन्न खेलमा टोटनह्याम र वाट्फोर्डले १–१ को बराबरी खेलेका हुन् । टोटनह्यामको घरेलु मैदानमा सुरुआती अग्रता जोगाउन नसक्दा वाट्फोर्डले अंक बाँडेको छ ।
खेल सुरु भएको ६ मिनेटमा नै वाट्फोर्डले अग्रता लिएको थियो । वाट्फोर्डका लागि अब्डोलाय डोकोरले गोल गरे । पहिलो हाफको सुरुआतमै गोलको शिकार भएको टोटनह्याम अन्तिम समयमा बराबरी गोल फर्काउँदै हारबाट जोगिएको छ ।
टोटनह्यामका लागि डेली अलिले गोल गरे । खेल सकिन ४ मिनेट बाँकी रहँदा अलिले बराबरी गोल फर्काएका थिए । बराबरीपछि दुबै टोलीले अंक बाँडेका छन् । टोटनह्याम ९ खेलमा १२ अंक जोडी अंकतालिकामा ७ औँ स्थानमा छ भने वाट्फोर्डको ९ खेलबाट ४ अंक छ ।