बेइजिङ्ग । चीनको आर्थिक बृद्धि दर २७ वर्ष यताकै ससबैभन्दा कमजोर भएको छ । सन् १९९०को दशकको शुरुदेखि अहिलेसम्मकै सबैभन्दा कम बृद्धि भएको पछिल्लो सरकारी आँकडाले देखाएको छ । सेप्टेम्बर सम्मको तीन महिनाको अवधीमा चीनको आर्थिक बृद्धि ६ प्रतिशत मात्रै बढेको बताइएको छ । 

जबकी अपेक्षा ६.१ हुने गरिएको थियो । यद्यपि चिनियाँ अधिकारीहरुले यो आर्थिक बृद्धि बार्षिक ‘टार्गेट रेन्ज’ भित्रै रहेको जनाएको ग्लोबल टाइम्सले जनाएको छ । 

बीबीसीले चीनको पछिल्लो  तथ्यांकले उसको  अर्थतन्त्रलाई  अमेरिकासँगको व्यापार युद्धले असर गरेको जनाएको छ ।   रोयटर्सको तथ्यांकअनुसार चीनको अहिलेको बृद्धि सन् १९९२ यताकै सबैभन्दा कम हो । चीनको आर्थिक बृद्धिमा सबैभन्दा कम बृद्धिको असर विश्वव्यापी अर्थतन्त्रमा पर्न सक्ने जनाइएको छ । (एजेन्सी)