बाह्रखरी
भर्खरै
sticky  ncell
British college
British college
बाह्रखरी गल्फ प्रतिक्रिया दिनुहोस्
Jagadamba Group
Jagadamba Group
‘एनसेल बाह्रखरी गल्फ’ले सगरमाथा क्षेत्रमा पर्यटक बढाउँछः गाउँपालिका अध्यक्ष शेर्पा
NMB Bank
NMB Bank
बाह्रखरी - बिहिबार, असोज ३०, २०७६
Laxmi Bank
Laxmi Bank
Sunrise bank
Sunrise bank

सोलुखुम्बु । सोलुखुम्बुको खुम्बु पासाङल्हामु गाउँपालिकाका अध्यक्ष ङिम दोर्जी शेर्पाले सगरमाथा क्षेत्रमा हुन लागेको गल्फ प्रतियोगिताले सोलुखुम्बुको पर्यटन प्रवर्द्धनमा ठूलो टेवा पुग्ने विश्वास व्यक्त गरेका छन् । पहिलो पटक यस क्षेत्रमा हुन लागेको प्रतियोगिताबाट आफूहरु उत्साहित भएको उनले बताए । 

बाह्रखरी मिडिया प्रालिको वार्षिक इभेन्ट ‘आमन्त्रण गल्फ प्रतियोगिता’को तेस्रो संस्करण सोलुखुम्बुको कोङ्देमा आइतबार हुँदैछ । नेपाल भ्रमण वर्ष २०२० को प्रवर्द्धनमा सहयोग पुर्याउने उद्देश्यले प्रतियोगिता आयोजना गरिएको हो । प्रतियोगिता ४२ सय ५० मिटर उचाइमा रहेको कोङ्दे री मा खेलाइनेछ, जहाँ ४० बढी कर्पोरेट गल्फरले एक पार–३ कोर्समा प्रतिस्पर्धा गर्नेछन् । 

Global bank

Agani Group

“साहसिक यात्राका लागि चिनिएको ठाउँमा गल्फको ठूलो प्रतियोगिता हुँदैछ । हामीलाई त्यसले अन्तर्राष्ट्रिय स्तरमा यहाँको पर्यटकीय विषेशताका बारेमा जानकारी गराउनेछ । प्रतियोगिताले विश्वको उचाइमा रहेको ठाउँमा पनि गल्फ जस्तो खेल खेलाउन सकिन्छ भन्ने कुराको पनि सन्देश दिनेछ । जसले गर्दा विदेशी खेलाडी तथा पयर्टकहरुको आकर्षण पनि रहनेछ,” अध्यक्ष शेर्पाले भने । 

सगरमाथा क्षेत्रको कोङ्दे पासाङल्हामु गाउँपालिका वडा नम्बर ३ मा पर्दछ । पहिलो पटक हुन लागेको गल्फ प्रतियोगिताले सगरमाथा क्षेत्रमा पर्यटकको संख्या वृद्धि हुने शेर्पाको विश्वास छ । गल्फ प्रतियोगिताले सगरमाथा क्षेत्रमा विदेशी खेलाडीहरु पनि आकर्षित हुने र उनीहरुले आगामी दिनमा यस्ता अन्य खेलकुद प्रतियोगितामा सहभागिता जनाउने चाहना देखाउने उनले बताए । 

sarbottam cement

“सगरमाथा क्षेत्रमा पहिलेदेखि नै पर्यटकको संख्या सन्तोषजनक छ । बाह्रखरीले गर्न लागेको गल्फ प्रतियोगितापछि यहाँको पर्यटक संख्यामा वृद्धि अवश्य हुनेछ । हामीले  गाउँपालिकाका तर्फबाट यो प्रतियोगितालाई पर्यटन प्रवर्द्र्धनको मुख्य केन्द्रविन्दुको रुपमा हेरेका छौँ । यो एउटा प्रतियोगितामात्र नभई पर्यटकलाई आकर्षण गर्ने माध्यमको रुपमा पनि रहेको छ,” शेर्पाले भने । साथै गल्फ प्रतियोगिताबाट गाउँपालिकाको खेलकुद क्षेत्रमा पनि परिवर्तन आउने शेर्पाको विश्वास छ । गल्फ प्रतियोगिताले यहाँका युवा पिँढीलाई गल्फ खेलमा आकर्षण गर्न सहज हुने उनले बताए । 

प्रतियोगिता दुई चरणमा हुनेछ । पहिलो चरण कोङ्देमा २० तारिखमा हुनेछ, जसमा ४० बढी गल्फरहरुले एक होल खेल्नेछन् र दोस्रो चरणमा सबै गल्फरले अक्टोबर २६ का दिन काठमाडौंको गोकर्ण रिसोर्टमा बाँकी रहेका १७ होल खेल्नेछन् । दोस्रो चरणमा अन्य खेलाडी पनि सहभागी हुनेछन् । दुई चरणमा गरी करिब एकसय गल्फरले प्रतिस्पर्धा गर्नेछन् ।

प्रतियोगितामा बाह्रखरी गोल्डेन बल तथा अन्य आकर्षक पुरस्कारको व्यवस्था गरिएको छ । एनसेल बाह्रखरी गल्फ नेपालको सबैभन्दा उचाइमा गरिएको पहिलो गल्फ प्रतियोगिता हो । प्रतियोगिता संसारकै सबैभन्दा अग्लो ठाउँमा खेलिएको ‘रेकर्ड ब्रेकिङ गल्फ इभेन्ट’ हुने अपेक्षा आयोजकको छ । 


 

Nepal Investment bank
Nepal Investment bank
बिहिबार, असोज ३०, २०७६ मा प्रकाशित
TATA Landing
TATA Landing
प्रतिक्रिया दिनुहोस्