न्यूयोर्क । अमेरिकामा गरिएको एक सर्भेक्षणले अमेरिकी राष्ट्रपति डोनाल्ड ट्रम्पविरुद्धको महाअभियोगको अनुसन्धान टोलीलाई ट्रम्पले सहयोग गर्नुपर्ने पक्षमा बहुसंख्यक अमेरिकीले धारणा राखेका छन् ।
२ हजार ४ सय ९५ मानिसमा अक्टोबर ८ देखि ११ सम्म सीबीएस न्यूज र यु गभले गरेको पोलका क्रममा ६३ प्रतिशतले राष्ट्रपति ट्रम्पले महाअभियोगमा सघाउनुपर्ने जनाएका छन् । ३७ प्रतिशतले भने विपक्षमा आफ्नो धारणा राखेका छन् ।
यसैगरी ५३ प्रतिशतले डेमोक्र्याटको निर्णयलाई स्वीकार गरेका छन् भने ४६ प्रतिशतले अस्वीकार गरेका छन् । यसैगरी ६९ प्रतिशतले सो मामिलामा आफूहरुले निकै ध्यान दिएको बताएका छन् भने ५७ प्रतिशतले ट्रम्पले गरेको जस्तो व्यवहार अन्य अमेरिकी अधिकारीहरुले विगतमा नगरेको जनाएका छन् ।
१० जनामा ६ जना (करिब ६१ प्रतिशतले) राष्ट्रपतिले चुनावको प्रसंगमा अर्को राष्ट्रसँग मागेको सहयोगलाई अस्वीकार गरेका छन् भने युक्रेनको मामिलामा उनीहरुले सुनेअनुसार महाअभियोग लगाउनु पर्छ कि पर्दैन भन्ने प्रसंगमा ३८ प्रतिशतले महाअभियोग लगाउनु आवश्यक नभएको जनाएका छन् । त्यस्तै, २० प्रतिशतले अहिले नै चाँडो हुने बताएका छन् । ४२ प्रतिशतले भने उनलाई कार्यालयबाट हटाउनुपर्ने जनाएका छन् ।
(न्यूजविक)