एजेन्सी । बेल्जियमले युरो कप छनोटमा अपराजित यात्रा कायम राखेको छ । आइतबार राति भएको समूह चरणको खेलमा बेल्जियमले काजकिस्तानलाई २–० गोल अन्तरले पराजित गरेको हो । बेल्जियमलाई जित दिलाउन मिची बात्सुआई र थोमस मुनियरले एक–एक गोल गरे । खेलको २१ औँ मिनेटमा बाल्सुआईले गोल गर्दै बेल्जियमलाई सुरुआती अग्रता दिलाएका थिए ।

त्यस्तै खेलको ५३ औँ मिनेटमा मुनियरले गोल गर्दै बेल्जियमको अपराजित यात्रा कायम राख्न सहयोग गरे । जितसँगै समूह ‘आई’ को बेल्जियमले आठ खेलबाट २४ अंक जोडेर शीर्ष स्थानमा रहेको छ । बेल्जियम यसअघि नै युरोकपमा छनोट भइसकेको टोली हो । पराजित काजकिस्तानको ७ अंक रहेको छ ।