काठमाडौं । प्रधानमन्त्री केपी शर्मा ओलीले चीनका राष्ट्रपति सी जिनपिङको नेपाल भ्रमण ऐतिहासिक हुने जनाएका छन् । यसले दुई देशको सम्बन्धलाई नयाँ उचाईमा लग्ने समेत जनाएका छन् ।

चीनको सरकारी समाचार एजेन्सी सिन्हवासँगको कुराकानीमा प्रधानमन्त्री ओलीले सो कुरा जनाएको उल्लेख छ । 

ओलीले सन् १९५५मा दुई देशबीच कुटनीतिक सम्बन्ध स्थापना भएपछि आपसी सम्बन्ध  अझ बलियो बन्दै गएको समेत जनाएका छन् । दुई देश असल छिमेकी, असल साथी, असल दाजुभाइ र असल दिदीबहिनी भएको समेत प्रधानमन्त्रीले जनाएका छन् ।  

उनले दुई देशबीच असल मित्रता र आपसी विश्वास रहेको जनाएका छन् ।