काठमाडौं । सामसङले ए५०एस नामको मिड रेन्ज फोन नेपाली उपभोक्तामाझ प्रस्तुत गरेको छ । सामसङले नयाँ डिजाइनको साथ ग्यालेक्सी ए५०एस सार्वजनिक गरेको हो ।

नयाँ ग्यालेक्सी ए५०एसमा अझै धेरै नवीनतम एवं आकर्षक विशेषता विद्यमान गरी नयाँ पुस्ताको आवश्यकतालाई समेट्दै उनीहरुको लागि तयार गरिएको छ । नाइट मोड, सुपर स्टेडी भिडियो तथा गेम बुस्टर प्रविधिको साथ शक्तिशाली प्रोसेसरजस्ता विशेषताको साथ यो नयाँ स्मार्टफोनले उत्कृष्ट कार्यक्षमता प्रस्तुत गर्ने दाबी कम्पनीका छ ।

ज्यामितीय एवं फ्युचरिस्टिक होलोग्राम इफेक्टद्वारा प्रभावित भइ फोनको पछाडीतर्फ अद्वितीय एवं आकर्षक डिजाइनको साथ फोन तयार गरिएको हुँदा लुक एन्ड फिलको जीवन्त अनुभव प्रदान गर्दछ । यो  स्मार्टफोन आकर्षक रंग– प्रिज्म क्रशब्ल्याक तथा प्रिज्म क्रश ह्वाइटमा उपलब्ध रहेको छ ।

यस स्मार्टफोनमा ४ हजार एमएएचको सुपर ड्युरेवल ब्याट्री रहेको छ । १५ वाटको फास्ट चार्जिङ तथा एआई बेस्ड गेम बुस्टर रहेको यसमा छ ।

ग्यालेक्सी ए५०एसमा हरेक क्षण जीवन्त क्षण क्याप्चर गर्न सकिन्छ । यसमा ४८ मेगापिक्सलको मुख्य क्यामरा राखिएको छ । दिन वा रात जुनसुकै समयमा फोटो लिनको लागि ग्यालेक्सी ए५०एसमा नाइट मोड रहेको छ जसले गर्दा कम उज्यालोको अवस्थामा पनि शानदार फोटो खिच्न सकिन्छ । यसको साथै यसमा भएको सुपर स्टेडी सुविधाले तीव्र एक्सनवाला परिस्थितिमा पनि स्मुथ भिडियो खिच्न सकिन्छ । यसमा ८ मेगापिक्सलको अल्ट्रावाइड क्यामरा राखिएको छ । यो क्यामेराले मानवआँखाले जस्तो देखिने फोटो खिच्दछ । त्यस्तै गरी १२३ डिग्रीको भ्युइङ एंगलको साथ फोटो खिच्ने सुविधा यो फोनले प्रदान गर्दछ । यसको ५ मेगापिक्सलको लाइभ फोकस लेन्सले शानदार फोटो खिच्दछ ।

ग्यालेक्सी ए५०एसमा इनोभेटिभ अलाइभ क्यामराका विशेषताहरु रहेका छन् । यसमा वेस्ट सटको परामर्श प्रदान गर्ने सुविधा रहेको छ, जुन सुटिङको समयमा सर्वोत्कृष्ट कम्पोजिसनको लागि सुझाव गर्दछ । इन्टलिजेन्ट सिन अप्टिमाइजरले सब्जेक्टलाई शिलशिलावद्ध गरी कलर, कन्ट्रास्ट एवं ब्राइटनेसलाई एडजस्ट गरी फोटोको गुणस्तरीयतालाई अप्टिमाइज गर्दछ ।

नयाँ ग्यालेक्सी ए५०एसमा प्रिमियम १० एनएमको एक्साइनोस ९६११ चिपसेट रहेको छ, जुन एआई पावर्ड गेम बुस्टरको साथ उपलब्ध रहेको छ । यसमा फ्रेम दर, गेमिङको कार्यक्षमता तथा हाई परफमेन्ट गेमको यही अवधिमा सुधार हुन्छ । ग्यालेक्सी ए५०एसमा ६ जीबी ¥याम एवं १२८ जीबी स्टोरेजका साथ उपलब्ध रहेको छ ।

ग्यालेक्सी ए५०एसमा ६.४ इन्चको  एफएचडी प्लस सुपर एमोलेड इन्फिनिटी–यू डिस्प्ले तथा अन–स्क्रिन फिंगगरप्रिन्ट अनलकिङ रहेको छ । यो फोन नक्स सेक्युरिटिद्वारा सुरक्षित रहेको छ ।

ग्यालेक्सी ए५०एसको खरिद मूल्य ४२ हजार १ सय ९० रुपैयाँ तोकिएको छ ।