काठमाडौं । विश्व क्रिकेटमा सर्वाधिक लोकप्रिय फ्रेन्चाइज इन्डियन प्रिमियर लिग (आईपीएल) को आगामी संस्करणका लागि अक्सन डिसेम्बरमा हुने भएको छ । भारतीय क्रिकेट कन्ट्रोल बोर्ड (बीसीसीआई) ले स्थान परिवर्तन गर्दै यो संस्करणको अक्सन डिसेम्बर १९ मा कोलकतामा गर्ने भएको हो । यसअघि बेंगलोरमा हुँदै आएको थियो । 

आईपीएलमा एउटा खेलाडीको सम्झौता ३ वर्षको हुने गरेको छ । गत संस्करणमा भएको सम्झौता यो सिजनका लागि अन्तिम हो । अर्को संस्करणका लागि टोलीले नयाँ खेलाडी बनाउन पाउने क्रिकइन्फोको समाचारमा उल्लेख छ । 

यस पटक टोलीले आफ्नो टिममा रहेका खेलाडीलाई रिटेन र रिलिज गर्नेछन् । अक्सनमा सबैभन्दा बढी खर्च गर्न पाउने बाँँकी ८.२ करोड दिल्ली क्यापिटल्ससँग छ । दिल्ली नेपाली युवा क्रिकेटर सन्दीप लामिछाने आबद्ध टोली हो । 

क्रिकइन्फोका अनुसार राजस्थान रोयल्ससँग ७.१५ करोड, कोलकता नाइट राइडर्ससँग ६.०५ करोड, सनराइज हैदराबादसँग ५.३ करोड, किङ्स इलाभेन पन्जावसँग ३.ब ७ करोड छ । यस्तै चेन्नइ सुपर किङससँग ३।२ करोड, मुम्बई इन्डियन्ससँग १.०५ करोड तथा रोयल च्यालेन्जर्स बेंग्लोरसँग १.८ करोड भारु छ ।