बलिउडका चर्चित फिल्म निर्माता सञ्जय लीला भन्सालीले प्रधानमन्त्री नरेन्द्र मोदीलाई जन्मदिनको उपहार दिएका छन् । भन्सालीले प्रधानमन्त्री मोदीको ६९ औं जन्मदिनको अवसर पारेर उनको जीवनीमा आधारित फिल्म निर्माण गर्ने घोषणा गरेका हुन् । जसको नाम राखिएको छ– ‘मन बैरागी’ । निर्माण पक्षले फिल्मको फर्स्ट लुक पोस्टर यसअघि नै सार्वजनिक गरेको छ । 

‘बाहुबली’ हिरो  प्रभास र अक्षय कुमारले पोस्टरलाई आ–आफ्नो इन्स्टाग्राममा पोस्ट गरेका छन् । अक्षय कुमारले प्रधानमन्त्री मोदीमाथि निर्माण हुन लागेको फिल्म ‘मन बैरागी’ को पोस्टर सेयर गर्दै लेखेका छन्, “पीएम मोदीको बर्थडेमा सञ्जय लीला भन्साली र महावीर जैनको स्पेशल फिचर फिल्म मन बैरागीको फस्र्ट लुक सेयर गर्दा मलाई खुशी लागेको छ । जुन उनका निर्णायक पलहरुको कथा हो ।” 

फिल्म यही हिउँदमा रिलिज गरिने बताइएको छ ।

नवभारत टाइम्स