काराकास । भेनेजुएलाको विपक्षी समूहले नर्वेको विदेश मन्त्रालयले राजनीतिक संकट समाधानको लागि भेनेजुएलामा गरेको मध्यस्थता प्रयास टुंगिएको जनाएको छ ।
६ सातापछि निकोलस मादुरोको सरकारले सो बैठकमा सहभागिता अस्वीकार गरेको छ । सो वार्ता क्यारेबियन आइल्याण्ड बार्बाडोजमा भएको थियो । विपक्षी नेता जुआन गुआइडोले गएको अप्रिल महिनामा मादुरोलाई सत्ताच्युत गर्न आन्दोलन गरेको भएपनि असफल भएका थिए ।
यसले गर्दा आर्थिक संकट उत्पन्न हुनुका साथै लाखौं मानिस देश छोडेर हिंडेका थिए । मादुरोको प्रतिनिधिमण्डल गएको अगस्ट महिनामा अमेरिकाको आलोचना गर्दै वार्ताबाट हिँडेको जनाइएको छ ।
अमेरिकी राष्ट्रपति डोनाल्ड ट्रम्पले ओपेक राष्ट्रहरु मार्फत् भेनेजुएलामाथिको नाकाबन्दीलाई अझै कसिलो बनाएका छन् । भेनेजुएलाको विपक्षीभित्रका आलोचकहरुले गलत उदेश्यका साथ वार्ताको प्रयोग मादुरोले गर्न खोजेको आरोप लगाएका छन् ।
वार्ता टुंगिएको बारेमा नर्वे र भेनेजुएलाको भने आधिकारिक धारणा सार्वजनिक भएको छैन ।
(रोयटर्स)