सिडनी । अष्ट्रेलियाको दक्षिणी सिड्नीमा एक जना व्यक्तिको म्यागपाइ भनिने चराको आक्रमणबाट जोगिन खोज्दा मृत्यु भएको छ । ७६ वर्षीय ती बृद्ध साइकलमा चढेकोमा चरा हुत्तिएर उनीतर्फ आएपछि उनको साइकल दुर्घटनामा परेको थियो । टाउकोमा चोट लागेका उनको उपचारको क्रममा अस्पतालमा मृत्यु भएको हो ।
अष्ट्रेलियामा म्यागपाइ चराले बेलाबेलामा मानिसलाई आक्रमण गर्ने गरेको छ । अष्ट्रेलियन म्यागपाइले आफ्नो क्षेत्रमा आएका मानिसलाई आक्रमण गर्दै आएको पाइए पनि यसअघि मृत्युका घटना सुनिएका थिएनन् ।
यसअघि हिल्स साइरमा म्यागपाईले आक्रमण गर्दा एक मानिसलाई अस्पताल पठाउनु परेको थियो । यो जातिको चरालाई कानुनले संरक्षण गरेको भएपनि स्थानीय अधिकारीहरुले अवस्था अनुसार निर्णय गर्न सक्ने व्यवस्था रहेको छ । (बीबीसी)