काठमाडौं । सत्तारुढ दल नपाल कम्युनिस्ट पार्टी (नेकपा) र प्रतिपक्षी दल नेपाली कांग्रेसबीच आइतबार साँझ दुई घण्ट प्रधानमन्त्री निवास बालुवाटारमा छलफल भएको छ ।
छलफलका क्रममा कांग्रेसो दोस्रो चरणको `हिपतम´ जागरण अभियानका क्रममा बाँकेमा कांग्रेस नेता-कार्यकर्तामाथिको आक्रमण, विवादित विधेयक, भ्रष्टाचार र दसैंको पूर्वसन्ध्यामा बढेको महँगीलगायतका विषयमा सरकारको ध्यानाकर्षण गराएको कांग्रेस प्रवक्ता विश्वप्रकाश शर्माले जानकारी दिए ।
उनले भने, "हामीले सत्तारुढ दल र सरकारलाई प्रधानमन्त्रीकै उमेरकी महिलामाथि भएको सांघातिक हमला, विवादित विधेयक, भ्रष्टाचार र दसैंको पूर्वसन्ध्यामा बढेको महँगीलगायतका विषयमा सरकारको ध्यानाकर्षण गराएको छौं । प्रधानमन्त्री ज्यूले पनि बाँके घटनामा संलग्नलाई कारबाही गर्ने प्रतिबद्धता जाहेर गर्नुभएको छ ।"
प्रतिपक्षीको अग्रसरतामा भएको बैठकमा प्रधानमन्त्रीकै उमेरकी महिलामाथि नेकपाकै कार्यकर्ताबाट आक्रमण भएकोले अब यो सुरक्षित को छ भन्ने प्रतिपक्षी दलले प्रधानमन्त्रीलाई प्रश्न गरेको थियो । "हिपतम जागरण अभियानको सामाजिक संवादका क्रममा हामी देशव्यापी रूपमा गाउँघरमा हाम्रा कुरा राख्यौं र सिंहदरबारमा रहेको सरकारलाई पनि झक्झक्यायौं," प्रवक्ता शर्माले भने ।
बैठकको सुरुमै हामीले प्रधानमन्त्रीको स्वास्थ्य लाभको कामना गर्यौं र बैठक एकदम सौहार्दपूर्ण भयो । उनले थपे, "बैठकको सुरुमा हामीले प्रधानमन्त्रीको स्वास्थ्य लाभको कामना गर्यौं । बैठक एकदम सौहार्दपूर्ण भयो ।
बैठकमा सरकारकातर्फबाट प्रधानमन्त्री केपीशर्मा ओली, पार्टी अध्यक्ष पुष्पकमल दाहाल प्रचण्ड र महासचिव विष्णस पौडेल उपस्थित थिए भने प्रतिपक्षी दलकातर्फबाट पार्टी सभापति शेरबहादुर देउवा, वरिष्ठ नेता रामचन्द्र पौडेल, उपसभापतिद्वय विमलेन्द्र निधी र विजयकुमार गच्छदार, महामन्त्रीद्वय शशांक कोइराला र पूर्णबहादुर खड्का, कोषाध्यक्ष सितादेवी यादव, सहमहामन्त्री प्रकाशशरण महत, संसदीय दलका नेता बालकृष्ण खाँण र पार्टीका नेता कृष्ण सिटौला उपस्थित थिए ।