दाङ । दाङमा तीन केजी तीन सय ग्राम लागु औषध अफिम सहित एक महिला पक्राउ परेकी छन् ।
रोल्पा जिल्लाको थवाङ गाउँपालिका वडा नं. २ घर भई हाल दाङको घोराही उपमहानगरपालिका वडा नं. १४ मा डेरा गरी बस्दै आएकी २२ वर्षीया नविना रोका (घर्ती) उक्त परिमाणको अफिमसहित पक्राउ परेकी हुन् । त्यो कोठामा विरमाया पुन डेरामा बस्दै आएकी थिइन् । उनी भने फरार छिन् ।
जिल्ला प्रहरी प्रवक्ता एवं डिएसपी विनोद विक्रम शाहले रोकालाई उनको कोठाबाट ६ थान अफिमसहित पक्राउ गरिएको जानकारी दिए । फरार विरमाया पुन भने रोल्पामा रहेको भन्ने जानकारी अनुसार खोजतलास भइरहेको डिएसपी शाहले बताए । पक्राउ परेकी घर्तीका विरुद्ध लागु औषध नियन्त्रण ऐन अनुसार मुद्दा दर्ता गरेर आवश्यक अनुसन्धान भइरहेको प्रहरीले जानकारी दिएको छ ।