काठमाडौं । विभागीय क्लब नेपाल पुलिस प्रथम प्रकाश दाहाल स्मृति प्रगतिशिल युवा नेपाल कप राष्ट्रिय पुरुष भलिबल प्रतियोगिताको उपाधि नजिक पुगेको छ । आज भएको सेमिफाइनलमा अर्को विभागिय क्लब एपिएफमाथि ३–२ को सेटमा जित निकाल्दै पुलिस फाइनलमा पुगेको हो । पुलिसले अब उपाधिका लागि भोलि सोमबार आर्मीसँग खेल्नेछ ।
नयाँ बसपार्कस्थित ढोरपाटन प्रशिक्षण केन्द्रमा पहिलो र दोस्रो सेट जितेको पुलिसले तेस्रो सेट गुमाएको थियो । पहिलो सेट २५–२१ र दोस्रो सेट २५–२० ले जितेको पुलिसले निर्णायक तेस्रो सेट २०–२५ ले हारेको थियो ।
चौथो सेट पनि २१–२५ ले एपिएफलाई सुम्पिएपछि रोमान्चक बनेको अन्तिम सेटमा पुलिस १६–१४ को जित निकाल्दै फाइनल पुगेको हो । ८ टोली सहभागी प्रतियोगिताको विजेताले ५ लाख रुपैयाँ पुरस्कार पाउनेछ । दोस्रो हुने टोलीले ३ लाख रुपैयाँ प्राप्त गर्ने आयोजकले बताएको छ ।