काठमाडौं । त्रिदेशीय टी–ट्वान्टी क्रिकेट सिरिजमा आज बंगलादेश र अफगानिस्तानबीच प्रतिस्पर्धा हुँदैछ । गएराती सम्पन्न अर्को खेलमा जिम्बाब्वेलाई २८ रनले पराजित गरेको अफगानिस्तान घरेलु टिमविरुद्ध खेल्न लागेको हो । ढाकास्थित श्री बंगला राष्ट्रिय मैदानमा खेल नेपाली समयअनुसार बेलुका ६ः१५ बजे सुरु हुनेछ । 

जिम्बाब्वेमाथि जित निकालेका दुबै टोली दोस्रो जित निकाल्ने योजनामा छन् । यसअघि गएराती सम्पन्न खेलमा अफगानिस्तानले जिम्बाब्वेमाथि २८ रनको जित निकालेको थियो । 

१ सय ९८ रनको लक्ष्य पछ्याएको जिम्बाब्वे २० ओभरमा ७ विकेट गुमाउँदै १ सय ६९ रनमा समेटिएपछि अफगानिस्तानले जित निकालेको हो । अफगानिस्तानको जितमा नाजिबउल्लाहले अविजित ६९ रन बनाएका थिए ।