काठमाडौं । किर्गिस्तानमा जारी नाडेज्दा कप फुटबलको उपाधिका लागि नेपाली राष्ट्रिय महिला फुटबल टोली भोलि बिहीबार उज्वेकिस्तानसँग प्रतिस्पर्धा गर्दैछ ।
घरेलु टोली किर्गिस्तान र ताजकिस्तानमाथि शानदार जित निकाल्दै फाइनल यात्रा तय गरेको नेपाली टोली उपाधिका लागि बलियो उज्वेकिस्तानसँग प्रतिस्पर्धा गर्न लागेको हो ।
खेल नेपाली समय अनुसार दिउँसो ३:४५ बजे सुरू हुनेछ । लिग चरणमा उज्वेकिस्तानसँग हार ब्यहोरेको नेपाल बदला लिने रणनीतीमा छ । अपराजित उज्वेकिस्तान उपाधि कब्जा गर्न चाहन्छ । फिफा वरीयतामा उज्वेकिस्तान नेपाल भन्दा ५७ स्थान माथि छ । नेपाल १०१ औं स्थानमा रहँदा उज्वेकिस्तान ४४ औं स्थानमा छ ।
प्रतियोगितामा नेपालले पहिलो खेलमा किर्गिस्तानमाथि ८-२ को जित निकालेको थियो भने दोस्रो खेलमा उज्वेकिस्तानसँग २-० को हार ब्यहोरेको थियो । अन्तिम खेलमा ताजकिस्तानमाथि जित निकाल्दै नेपालले फाइनल यात्रा तय गरेको हो ।