काठमाडौं । तेस्रो तेक्वान्दो च्याम्पियनसिप आगामी शुक्रबारबाट सुरु हुँदैछ । युनाइटेड तेक्वान्दो डोजाङको आयोजनामा हुने च्याम्पीयनसिप भदौ २९ गतेसम्म चल्नेछ । आयोजकले आज काठमाडौंमा पत्रकार सम्मेलन गरी मंसिरमा आयोजना हुने १३ औं सागलाई समेत फाइदा पुग्ने गरी प्रतियोगिता आयोजना गरेको बताएको छ ।
प्रतियोगितामा आयोजक नेपालसहित १४ राष्ट्र सहभागि हुँदैछन् । भारत, श्रीलंका, बंगलादेश, भुुटान, अमेरिका, जर्मनी लगायतका १४ राष्टबाट २ सय १५ खेलाडी आउँदैछन् । नेपालबाट सातै प्रदेशका ६ सय ५० खेलाडी गरी जम्मा प्रतियोगितामा ८ सय ६५ जना खेलाडीबीच प्रतिस्पर्धा हुनेछ ।
विश्व तेक्वान्दो संघ र नेपाल तेक्वान्दो संघको नियमानुुसार हुुने आयोजकले बताएको छ । विश्व तेक्वान्दो महासंघले निर्धारण गरेको आधिकारिक तौल समूह अन्तर्गत क्याडेट, जुुनियर, सिनियर तथा पुुम्सेको सबै समूहमा प्रतिस्पर्धा हुुने प्रतियोगिता आयोजक समितीका संयोजक कुमार लामा घिसिङले जानकारी दिए ।