काठमाडौं । युनेस्को नेपाल र नेपाल सरकारको सहकार्यमा फोटो पत्रकार क्लबले गरेको फोटो प्रतियोगितामा छानिएका फोटोको प्रदर्शनी भइरहेको छ । प्रदर्शनी बबरमहलस्थित नेपाल कला परिषदमा भइहरेको छ । 

शिक्षा र मानव स्रोत विकास केन्द्रसँगको सहकार्यमा फोटो पत्रकार क्लबले अन्तर्रापष्ट्रय साक्षरता दिवसको अवसरमा ‘बहुभाषिक परिवेश र  साक्षरता’ विषयमा भएको फोटो प्रतियोगितामा छानिएका विजेतासहित उत्कृष्ट फोटो प्रदर्शनीमा राखेको हो । 
प्रदर्शनीमा ४२ फोटोग्राफरका ५४ फोटो प्रर्दशनीमा राखिएको छ । देशभरबाट १८२ फोटोग्राफरले पठाएका ६३६ फोटो मध्ये निर्णायक मण्डलले विजेतासहित उकृष्ट ५४ फोटा छानेका हुन् । 

विधार्थी, शैक्षिक स्थिति, विद्यालय र शिक्षकबीचको सम्बन्ध, संस्कृति झल्काउने फोटो प्रदर्शनीमा राखिएको छ । 

प्रतियोगितामा वीरगन्जका पंकज श्रेष्ठले खिचेको अटिजमका विधार्थीलाई पढाउँदै गरेको फोटोले प्रथम भएको छ । सुनिता डंगोलले खिचेको ललितपुरको जिवित देवीका रुपमा पुजिने कुमारीलाई पढाउँदै गरेको फोटोले दोस्रो भएको छ । अनिश रेग्मीको संकेतिक भाषा प्रयोग गरेको फोटो तेस्रो भएको छ । 

प्रदर्शनी भदौ २८ गतेसम्म जारी रहनेछ ।