काठमाडौं । सत्तारुढ नेपाल कम्यनिस्ट पार्टी (नेकपा) र प्रमुख प्रतिपक्षी दल नेपाली कांग्रेसबीच छलफल सुरु भएको छ । सत्य निरुपण तथा मेलमिलाप आयोग र बेपत्ता छानविन आयोग गठनका बारेमा दुई दलबीच प्रधानमन्त्रीको सरकारी निवास बालुवाटारमा छलफल सुरु भएको हो । 

प्रधानमन्त्री केपी शर्मा ओलीसँगको छलफलका लागि कांग्रेस सभापति शेरबहादुर देउवा महामन्त्री पूर्णबहादुर खड्का र केन्द्रीय सदस्यद्वय रमेश लेखक र डा. मीनेन्द्र रिजालका साथ बालुवाटार पुगेका छन् ।

नेकपाबाट प्रधानमन्त्री तथा पार्टी अध्यक्ष ओली, अर्का अध्यक्ष पुष्पकमल दाहाल, संसदीय दलका उपनेता सुवास नेम्वाङलगायत नेताहरु सहभागी छन् ।

प्रधानमन्त्री ओलीले सोमबार प्रतिनिधिसभा बैठकलाई समबेधन गर्दै एक साताभित्रै सत्य निरुपण तथा मेलमिलाप आयोग र वेपत्ता छानविन आयोग गठन हुने बताएका थिए ।