काठमाडौं । गृहसचिव प्रेमकुमार राई र प्रहरी महानिरीक्षक सर्बेन्द्र खनालबीच कार्यसम्पादन संझौता भएको छ । सोमबार गृहमन्त्रालयमा आयोजित समारोहमा गृहमन्त्री रामबहादुर थापा बादलको पनि उपस्थितिमा सो सम्झौतामा हस्ताक्षर भएको थियो । प्रहरी बुलेटिनमा जनाइएअनुसार सो अवसरमा गृहमन्त्री थापाले सम्झौताले आफ्नो काम,जिम्बेवारी र उदेश्यप्रति बढी गम्भीर बाउने उल्लेख गर्दै सम्झौता इतिहासकै अग्नीपरीक्षा भएको बताएका थिए ।  उनले उत्कृष्ट नतिजा ल्याउन खरो रुपमा उत्रिन समेत निर्देशन दिएका थिए । 

सो अवसरमा गृहसचिव राईले विगतमा प्रमुख जिल्ला अधिकारीसँग गरिएका सम्झौता फलदायी भएको चर्चा गर्दै कामलाई प्रणालीगत ढंगले अगाडि बढाएमा लक्ष्यमा पुग्न सकिने जनाएका थिए ।