एजेन्सी । बेलायती टेनिस स्टार एन्डी मुरेले एकलमा केही सुधार प्राप्त गर्न सक्ने बताएका छन् । बीबीसीका टेनिस संवाददाता रुसेल फुलरसँगको कुराकानीमा मुरेले आफ्नो खेलमा सुधारको अपेक्षा गरेको उल्लेख गरेका छन् । 

हिपको सर्जरीपछि मुरे दोस्रो एकल खेल खेल्दैछन् । मुरेले गएको साता पहिलो एक खेल खेलेका थिए । जुन अस्ट्रेलियन ओपनपछि पहिलो थियो । उक्त खेलमा मुरे ६–४, ६–४ ले रिचार्डसँग पराजित भएका थिए । 

यूएस ओपनमा मुुरेले डबल नखेल्ने निर्णय गरेका छन् । आजराति उनी विन्सटन सलिममा अमेरिकन टेनिस सान्डग्रेनसँग खेल्दैछन् । “सबै खेलहरु यो स्तरमा कठिन छ । अप्रेसनले गर्दा म राम्रोसँग खेल्न पाएको छैन । एकलबाट म निकै टाढा छु । धेरै आशा गरेको छैन, तर म प्रयास गर्न चाहन्छु । त्यसैले केही खेल खेलेर म आफ्नो गति बढाउन चाहन्छु,” मुरेले भने ।

मुरे २८ वर्षीय सान्डग्रेनसँग खेल्दैछन् । सान्डग्रेन सन् २०१८ को अस्ट्रेलिया ओपनमा क्वार्टर फाइनलसम्म र विम्बल्डनमा चौथो राउन्डसम्म पुगेका थिए । मुरेले सान्डग्रेनको बारेमा भने, “उनी अमेरिकाको कडा कोर्टबाट निकालिएका खेलाडी हुन् र उनी निकै नै तिव्र छन् । उनी युवा छँदा मैले उनीसित हल्का अभ्यास गरेको छु ।” प्रतिस्पर्धामा भने यी दुई खेलाडी पहिलो पटक भिड्न लागेका हुन् ।