‘बाहुबली’ बाट चर्चामा आएका तेलेगु सुपरस्टार प्रभास यतिबेला चलचित्र ‘साहो’का कारण चर्चामा छन् । सोही चलचित्रको आइतबार हैदराबादमा विशेष प्रिमियर शो राखिएको थियो । प्रिमियरमा ‘साहो’ का सबै टिम र चलचित्र जगतका थुप्रै सेलिब्रेटीहरु उपस्थित भएका थिए ।
प्रिमियरमा साहोको निर्माण टिमको बिलकुलै अलग शैलीको प्रमोशन टुल आकर्षणको केन्द्र बनेको थियो । प्रिमियरमा अभिनेता प्रभासको ६० फिट लामो ‘कटआउट’ राखिएको थियो । प्रभासको उतm ‘कटआउट’ चलचित्रका प्रचारक एलुरु सीनूले आफनो ट्विटरमा पनि सेयर गरेका छन् ।
चलचित्रमा प्रभास र श्रद्धा कपुरका साथै नील निति मुकेश, जैकी श्रफ, मन्दिरा बेदी, गुलशन ग्रोवर र महेश मांजरेकर लगायतका कलाकारहरुको अभिनय रहेको छ । सुजीत रेड्डीको निर्देशन रहेको साहो यही अगस्ट ३० मा रिलिज हुँदैछ ।
नवभारत टाइम्स