काठमाडौं । यू–१५ साफ च्याम्पियनसिपका लागि नेपाली टोली आज भारत प्रस्थान गरेको छ । सुनिल श्रेष्ठको प्रशिक्षणमा रहेको २३ सदस्यीय नेपाली टोली आज त्यसतर्फ प्रस्थान गरेको हो । साफ च्याम्पियनसिप बुधबारबाट भारतको काल्यानीमा हुँदैछ ।
करिब १० दिनसम्म चल्ने च्याम्पियनसिपमा ५ टोली सहभागी हुँदैछन् । पाकिस्तान र माल्दिभ्स सहभागी नभएको यस प्रतिस्पर्धामा आयोजक भारतसहित भुटान, बंगलादेश, श्रीलंका र नेपाल सहभागी छन् । नेपालले पहिलो खेल आयोजकसँग भारतसँग नै खेल्नेछ ।
दोस्रो खेल श्रीलंकासँग खेल्ने नेपालले तेस्रो खेल बंगलादेश र अन्तिम खेल भुटानसँग खेल्नेछ । ५ देशका उत्कृष्ट दुई टोली फाइनलमा पुग्नेछन् ।
नेपाली टोली
गोलकिपरः ईश्वर गुरुङ, मनोज दाहाल र जेनिस केसी
डिफेन्डरः प्रज्ञान महर्जन, अभिषेक वाइबा, प्रमिस गुरुङ, अजय चौधरी,जान लिम्बु र रोसन थापा
मिडफिल्डरः जन्मजय धामी, निराजन मल्ल, प्रदिप लम्साल, नितेश श्रेष्ठ, असिम राई, विपिन तुमसिङ मगर, अमिर हमिद, मोहित गुरुङ, निराजन खत्री र अनिल चौलागाई
फर्वाडः किसन अधिकारी यादव, कृष्ण सापकोटा, सगुन जिमी र शशांक बोहरा