काठमाडौं । निजी क्षेत्रको वायुसेवा कम्पनी श्री एयरलाइन्सले नयाँ जहाज ल्याएको छ । श्रीले ८० सिट क्षमतायुक्त नयाँ जहाज नेपाली आकाशमा उडाउने भएको हो । श्रीका कर्पोरेट म्यानेजर अनिल मानन्धरका अनुसार क्यानडास्थित जहाज निर्माता कम्पनी बम्बार्डियरमा निर्मित ८० सिट क्षमतायुक्त ‘क्यु४०० ड्यास ८’ सिरिजको जहान नेपाल आइपुगेको हो ।

हालैको सबैभन्दा बढी सिट क्षमताको जहाज नेपाली आकाशमा उड्ने भएको दाबी मानन्धरले गरे । नयाँ जहाज श्रीले आन्तरिक उडानका लागि प्रयोग गर्नेछ । उनले बाह्रखरीसँग भने , “यो जहाजमार्फत् पोखरा, जनकपुर र सिमरा लगायत गन्तव्यमा उडान गर्नेछौं ।” श्रीले केही दिनपछि अर्को यस्तै जहाज ल्याउने तयारी गरिरहेको छ ।
श्रीले हालै संस्कृति, पर्यटन तथा नागरिक उड्डयन मन्त्रालयबाट अन्तर्राष्ट्रिय उडान अनुमति पाएको छ ।