राजनीति
मेरो वरीयता नेपालले स्वीकार गर्नुभयो - झलनाथ खनाल
काठमाडौं । पार्टी एकताको १५ महिनापछि नेपाल कम्युनिस्ट पार्टी (नेकपा) को वरीयता हेरफेर भएको छ ।
आइतबार बसेको नेकपा सचिवालयको बैठकले वरिष्ठताको वरीयतामा माधव नेपाल भन्दा झलनाथ खनाललाई अघि ल्याइएको छ ।
नवनिर्धारित रोलक्रमअनुसार खनाल तेस्रो र नेपाल चौँथो वरीयता रहनेछन् ।
बाह्रखरीसँग कुराकानी गर्दै खनालले आफ्नो वरीयता नेपालले स्वीकार गरेको बताए ।
"उहाँले पनि स्वीकार्नु भयो । वास्तवमा त्यतिबेला गल्ती भएकै हो भन्ने उहाँको भनाइ थियो। निर्णयमा कसैको विमति छैन," उनले भने।
पार्टी एकताका बेला रोलक्रम मिचिएको भन्दै खनालले उतिबेलै असन्तुष्टि जनाएका थिए । तर सुनुवाइ भएको थिएन । शुक्रबार पनि नेता खनालले वरीयताको कुरा उठाएपछि मागको सुनुवाइ भएको हो ।
प्रकाशित मिति: आइतबार, भदौ १, २०७६ २१:१७
प्रतिक्रिया दिनुहोस्
सम्बन्धित समाचार
सिफारिस
सम्पादकीय
कार्टुन
भिडियो
विचार
अन्तर्वार्ता
ब्लग
प्रवास
