काठमाडौं । नेपाल विद्युत् प्राधिकरणका कार्यकारी निर्देशक कुलमान घिसिङले विद्युतीय चुहावटलाई न्यूनीकरण गर्दै विद्युतीकरणको महाअभियानमा लागिरहने प्रतिबद्धता व्यक्त गरेका छन् ।
प्राधिकरणको ३४ औ वार्षिकोत्सवका अवसरमा आइतबार राजधानी काठमाण्डौमा आयोजित कार्यक्रममा उनले प्राधिकरणले टार्गेट पूरा गर्दै गएकाले आगामी वर्षमा हरेक चुनौतीहरुको सामना गर्दे जाने विश्वास पनि व्यक्त गरे ।
उनले चालु आर्थिक वर्षमा ४० वटा जिल्लालाई पूर्ण विद्युतीकरण गराउनुको साथै आगामी चार वर्षमा सबै जिल्लामा विद्युत्को पहुँच पुर्याउने प्राधिकरणको लक्ष्य चुनौतीपूर्ण रहेपनि सबैको सहयोग र सहकार्यमा संभव गराउन सकिने विश्वास व्यक्त गरे ।
सरकारी लक्ष्य पूरा गर्न प्राधिकरणको प्रणाली र नवीकरणीय ऊर्जाका स्रोतबाट विद्युतीकरण गर्न लागिएको पनि उनले स्पष्ट पारे । गत आर्थिक बर्षमा टार्गेट गरे भन्दा बढी मुनाफा कमाएको भन्दै उनले चालु आर्थिक वर्षमा आठ अर्बमाथि मुनाफा कमाउने दाबी गरे ।
