देश
काठमाडौं । सर्वसुलभ तरिकाले बिरामीलाई सेवा प्रदान गर्ने उद्देश्यले चिकित्सा विज्ञान राष्ट्रिय प्रतिष्ठान न्याम्सअन्र्तगतको वीर अस्पताललाई २५ सय शैय्यामा विस्तार गरिने भएको छ ।
अहिले अस्पताल रहेको ठाउँमा १३ सय शैय्याको सुविधासम्पन्न वीर केन्द्रीय सिटी अस्पताल र २ सय शैय्याको अत्याधुनिक ट्रमा सेन्टर गरि १५ सय शैय्याको अस्पताल बनाउने तयारी रहेको न्याम्सका उपकुलपति डा. गणेशबहादुर गरुङले जानकारी दिए ।
न्याम्सको केन्द्रीय कार्यालयसमेत रहने गरि बन्न लागेको जग्गामा एक हजार शैय्याको अस्पताल बनाएर अन्तर्राष्ट्रिय अस्पताल बनाउने सरकारको योजना छ । ५ सय रोपनी जग्गामा थप एक हजार शैय्या विस्तार गरि अन्तर्राष्ट्रियस्तरको अत्याधुनिक अस्पताल बनाउने घोषण सरकारले वजेटमार्फत गरिसकेको छ ।
वीर अस्पताल र न्याम्स निमार्णको लागि छुटाछुटै योजनाको तयारी भइरहेको छ । वीर अस्पताल निमार्णको लागी गुरु योजनासमेत तयार भइसकेको र यसै वर्षबाट काम सुरु गर्ने गुरुङको भनाइ छ । न्याम्स निमार्णको लागि ‘मेगा प्रोजेक्ट’मार्फत काम अगाडी बढाइने उनले बताए । सरकारले ५ सय रोपनी जग्गा खोज्ने जिम्मा दिएलगतै स्थानको खोजी भइरहेको स्वास्थ्य तथा जनसंख्या मन्त्रालयले जनाएको छ । भक्तपुर, कीर्तिपुर र कलंकीमा जग्गा हेरेपनि ठोस निर्णय भइनसकेको मन्त्रालयका जनस्वास्थ्य प्रमुख महेन्द्र श्रेष्ठले जानकारी दिए । यसको चाँडै नै टुङगो लाग्ने पनि उनले बताए । गुणस्तरीय स्वास्थ्य सेवा उपलब्ध गराउने उद्देश्यले सरकारले न्याम्सलाई अन्तर्राष्ट्रियस्तरको अस्पताल बनाउने तयारी गरेको श्रेष्ठले बताए ।
अहिले अस्पताल रहेको ठाउँमा पुरानो भवन भत्काएर नयाँ भवन बनाउने तयारी भएको गुरुङले बताए । “वीर अस्पताल प्रतिष्ठानको रूपमा परिणत भइसकेपछि त्यही अनुसार विकास गर्न जरुरी थियो,” उनले भने “त्यसैले सरकारले २५ शैय्या बनाउने घोषणा गरेको हो ।
उक्त जग्गामा प्रतिष्ठानको केन्द्रीय कार्यालय रहने गरि सुविधा सम्पन्न एक हजारको अस्पताल र नर्सिङ, विएसी एसर्आइटी, एनेस्थेसिया लगायतका क्याम्पस रहनेछ । त्यसबाहेक अन्य स्वास्थ्य र विज्ञानलगायतका कजेज हुनेछन् ।
५ वर्ष भित्रमा न्याम्सको निमार्ण कार्य सम्पन्न गरिसक्ने र वीर अस्पताललाई ३ वर्षमा केन्द्रीय सिटी अस्पताल बनाईसक्ने गुरुङले बताए । दुवै योजना सम्पन्न गर्नको लागी १३÷१४ अर्व लाग्ने अनुमान गरिएको छ ।
पुरातत्व विभागको अवरोध टर्यो
वीर अस्पतालको आकस्मिक कक्ष अगाडी हरियो झयाल भएको भवन जस्तातस्तै बन्ने भएको छ । त्यस्तै भवना बनाउन अस्पताल र पुरातत्व विभाग सहमत भएपछि भवनको उस्तै डिजाइनमा बन्ने भएको हो । उक्त भवन वीर शम्शेरले बनाएका थिए । ऐतिहासिक महत्व झल्कने भवन भएकाले सो भवन भत्काउन नमिल्ने भन्दै विभागले अवरोध गरेको थियो । अस्पतालको समस्यालाई ध्यानमा राख्दै लामो छलफलपछि अस्पतालले त्यस्तै भवन निमार्ण गर्न सहमत भएको पुरातत्व विभागका इन्जिनियर सम्पत घिमिरेले बताए ।
भवनको एतिहासिक महत्व नमेटिने गरि त्यस्तै भवन बनाएर प्रशासनिक कार्यका रुपमा प्रयोग गर्ने न्याम्सका उपकुलपति डा गुरुङले बताए ।
अन्डरग्राउन्डसहितको नयाँ भवन बन्ने
वीर अस्पताल अगाडीको न्याम्सअन्तर्गतको नर्सिङ क्याम्पस र चिकित्सक, कर्मचारी बस्दै आएको आवासीय भवन भत्काएर सोही स्थानमा अन्डरग्राउन्डसहित भवन बनाउने तयारी गरिरहेको अस्पतालले बताएको छ । उक्त भवनमा ६ सय ५० शय्याको अत्याधुनिक सुविधासम्पन्न अस्पताल बन्नेछ । अन्डरग्राउन्डको पहिलो तलामा अस्पताललाई चाहिने ठूला प्राविधिक मेसीन र क्यान्सर विभाग रहनेछ । दोस्रो तलामा पुरै पार्किङ हुनेछ । भुइ तलामा रेडियोलोजी विभाग, पहिलो तलामा शल्यक्रिया कक्ष, दोस्रो तलामा आइसियु र पोष्ट अपरेटिभ वार्ड रहनेछ । भवनको तेस्रो तलादेखि विभिन्न वार्डका शैयाका शय्या रहने छन् ।
भुकम्पले क्षतीग्रस्त भवन बन्दै
भुकम्पले भत्काएको वीर अस्पतालको भवन समेत निर्माण कार्य सुरु भईसकेको छ । भुकम्पले क्षतीग्रस्त भवन जापानीज संस्था जायीकाले सो भवन निमार्ण गर्न लागिएको हो । ५० करोडको लागतमा बन्न लागेको उक्त भवन ३ तलेको हुनेछ ।
प्रकाशित मिति: बुधबार, असार १५, २०७३ १३:३८
प्रतिक्रिया दिनुहोस्