काठमाडौं । प्रधानमन्त्री केपी शर्मा ओलीले मेलम्ची खानेपानी आयोजनाबाट ठेकेदारमात्र भागेको बताएका छन् । प्रतिनिधिसभा बैठकलाई सम्बोधन गर्दै आइतबार उनले आयोजनाबाट ठेकेदार भागे पनि सरकार भागेजस्तो गरी हल्ला फैलिएको भन्दै असन्तुष्टि व्यत्तm गरे । 

“मेलम्ची खानेपानी आयोजनाबाट ठेकेदारमात्र भागेको हो, सरकार भागेको होइन,” उनले भने । मेलम्ची खानेपानी आयोजना निर्माण ठेक्का लिएको कम्पनी सिएमसीले योजना छोडेर गएकोतर्फ उनको भनाइ लक्षित थियो । त्यस्तै उनले आफूले सरकारको नेतृत्व लिएपछि १४ सय किलोमिटर सडक र ३ सय वटा झोलुंगे पुल बनेको भन्दै काम अघि बढिरहेको बताए ।