खाडीविरुद्धको गठबन्धनमा इजरायली संलग्नता अस्वीकार्य : इराक

खाडीविरुद्धको गठबन्धनमा इजरायली संलग्नता अस्वीकार्य : इराक

इराकले होर्मुज स्ट्रेटमा पानीजहाजलाई जोगाउनका लागि बनाउन लागिएको खाडीविरुद्धको गठबन्धनमा इजरायली जलसेनाको सहभागिता स्वीकार्य नहुने बताएको छ ।

इराकका विदेशमन्त्री मोहम्मद अली अल-हाकिमले सामाजिक सञ्‍जालमार्फत् सोमबार 'अरेबियन खाडीमा कुनै पनि किसिमका पानी जहाजलाई जोगाउन इजरायली सेनाको कुनै पनि किसिमको सहभागिता स्वीकार्य नहुने' बताएका हुन् । उनले भनेका छन्, "खाडी मुलुकहरुले पानीजहाजको बाटो सामूहिक रुपमा सुरक्षा प्रदान गर्नेछन् ।"

इराकले शान्तिपूर्ण संवादमार्फत यस क्षेत्रमा बढिरहेको तनावपूर्ण स्थितिलाई कम गर्न पहल गर्ने उनले दाबी गरेका छन् । उनले थपेका छन्, "यस क्षेत्रमा पश्चिमी शक्ति राष्ट्रहरुले तनाव सिर्जना गराएका छन् । त्यसको शान्तिपूर्ण संवादमार्फत् समाधानका लागि इराकले पहल गर्नेछ ।" 

अमेरिकाले इरानको ड्रोन खसालेपछि र खाडीमा तेल ट्‍यांकरहरु नियन्त्रणमा लिएपछि यस क्षेत्रमा तनाव बढेको थियो । वासिङ्टन तथा अरब समर्थक राष्ट्रहरुले इरानले तेल ट्‍ंयाकरमा आक्रमण गरेको आरोप लगाएका छन् भने इरानले उक्त आरोप अस्वीकार गरेको छ । 

संयुक्त राज्य अमेरिकाले खाडी क्षेत्रमा स्वतन्त्रताको ग्यारेन्टीका लागि अन्तर्राष्ट्रिय भेला गर्न चाहेको छ । इजरायलले भने आफ्नो सेना खटाउने अथवा नखटाउने भन्‍ने विषयमा कुनै औपचारिक घोषणा गरेको छैन । यद्यपि इजराइली सञ्‍चारमाध्यमहरुले भने सेना परिचालन हुनसक्ने जनाएका छन् । 

अमेरिकाका राष्ट्रपति डोनाल्ड ट्रम्पले एकल निर्णय गर्दै इरान र विश्व शक्तिबीच भएको न्युक्लियर सम्झौताबाट बाहिरिने निर्णय गरेसँगै तेहरान र वासिङ्टनबीचको सम्बन्धमा दरार उत्पन्न भएको छ । अमेरिकाले अहिले इरानमाथि प्रतिबन्धसमेत लगाएको छ ।

अमेरिकाले चाहेको अन्तर्राष्ट्रिय गठबन्धन बन्‍ने हो भने हरेक राष्ट्रले व्यापारिक प्रयोजनका पानीजहाजहरुमा सेनाले स्कर्टिङ प्रदान गर्नेछन् । जसलाई अमेरिकी सेनाको साथ रहनेछ । अमेरिकी सेनाले हवाइ निगरानी र अवस्थाअनुसार अप्रेसन कमाण्ड गर्नेछन् । 

अमेरिकाको उक्त प्रस्तावमा बेलायतको समर्थन रहे पनि अन्य युरोपियन मुलुकहरुले भने समर्थन जनाएका छन् । उक्त गठबन्धनले इरानसँगको सम्झौतामा हानी हुने भयले अन्य युरोपियन राष्ट्रहरुले भने समर्थन जनाएका छैनन् । 

सबैभन्दा पहिले अमेरिकाको नेतृत्वमा बन्‍ने उक्त गठबन्धनमा सामेल हुन नसक्‍ने जर्मनीले बताएको थियो । जर्मनीले अमेरिकी जलसेना मिसनले आर्थिक वृद्धि रोक्ने जनाउँदै अमेरिकी नेतृत्वको गठबन्धनमा सामेल हुन नसक्ने जनाएको हो । 

यसअघि बिहीबार इरानमा रक्षामन्त्री अमिर हाटामीले खाडीविरुद्ध अमेरिकी नेतृत्वमा बन्‍ने गठबन्धनले 'असुरक्षा बढाउने' र कुनै पनि किसिमको इजराइली संलग्नताले यस क्षेत्रमा 'विपत्ति निम्त्याउने' बताएका थिए ।
अलजजिरा

प्रतिकृया दिनुहोस
ad