एजेन्सी । बेलायती टेनिस स्टार एन्डी मुरे सिङ्गल खेल्न आफू तयार रहेको बताएका छन् । मुरेले रिचार्ड्स ग्यासक्विटसँग किन्किनटीमा ६–४ र ६–४ ले पराजित हुनुको कारणलाई स्वीकारेका छन् । तर उनले आफू च्याम्पियन चाहेकोबाट टाढा गएको बताएका छन् ।
उनी सात महिनापछि पहिलो पटक सिङ्गल खेल्दैछन् । यसको लागि उनी दुई सातादेखि प्रशिक्षण गरिरहेका छन् । मुरे अब न्युयोर्कमा डबल खेल्ने छैनन् । अब उनी सिङ्गल खेलाडीको रुपमा स्थापित हुनेछन् । अब उनी जनवरीमा सिङ्गल खेलाडीको रुपमा आउने आशा गर्न सकिन्छ ।
“मलाई लाग्छ अप्रेशन गरेको ९–१२ महिनापछि म शारीरिक रुपमा फिट हुनेछु र आफू सक्दो प्रदर्शन गर्नेछु । अनि मेरो गति पनि १२ महिनामा पूर्ण रुपमा सुधारिने छ,” मुरेले भने ।
३२ वर्षीय एन्डी मुरेले टेनिस कर्टमा आफ्नो गति मापन गरिरहेका छन् र उनको गति पनि बढिरहेको छ । लामो समयपछि खेल्न थालेका उनले उत्कृष्ट प्रदर्शन गर्ने अपेक्षा गरिएको छ ।
“तिमीले आफूलाई मन पर्ने गतिमा खेल्न सक्छौ तर एकचोटि कोर्टबाट बाहिरिएपछि असहज हुनेछ । मलाई लाग्दैन कि म आजको कोर्टमा मेरो गति निकै कमी थियो तर म आफू चाहेको गतिमा खेल्न सकेको थिइनँ,”मुरेले भने ।
मुरेले अबको केही दिनमा नर्थ क्यारोलिनाको विन्सटन सलिममा सिङ्गल खेल्ने कि नखेल्ने भनेर निर्णय गर्नेछन् । उनले युएस ओपनमा अभ्यास गर्नको लागि प्रशस्त समय पाउनेछन् । त्यसपछि भने उनी सेप्टेम्बरमा चीन जानेछन् ।
जुहाइ र बेइजिङमा खेल्ने भनेर पहिला नै मुरेले तय गरेका छन् । त्यसपछि साङ्घाइमा पनि खेल्न सक्ने सम्भावना रहेको छ । साङ्घाइमा खेलिसकेपछि भने अब उनीसँग यूरोपेली प्रतियोगितामा खेल्नको लागि तीन साता रहनेछ ।
“प्रत्येक समय मैले सिङ्गलको लागि अभ्यास गरेको छु किनभने म आफ्नो कोर्टमा पुरानो फर्ममा आउन चाहन्छु । जब तिमी एकचोटि फर्मबाट निस्किन्छौ अनि फेरि खेल्न थाल्छौ अनि तिमी महसुस गर्छौ । म निकै राम्रो खेल्दैछु । मलाई मेरो खेल सुधार गर्नु छ । म आफूलाई अभ्यास कोर्टमा उभ्याउनु छ,” मुरेले थपे ।
१८ महिनामा उनी जम्मा ६ प्रतियोगितामा मात्र खेल्न सक्षम भएका छन् । उनको हिप अझै पूर्णरुपमा निको भएको छैन । मुरे ३ पटकका ग्रान्ड स्लाम विजेता हुन् ।