काठमाडौं । भारतको उत्तरप्रदेश राज्यस्थित लखनौ नजिकैको जबरौली गाउँका बासिन्दाले अमेरिकाको राष्ट्रपति निर्वाचनमा हिलारी क्लिन्टनको विजय होस् भनेर सामूहिकरूपमा कामना गरेका छन् । 

हफिङटन पोस्टका अनुसार सन् २०१४ मा भारत भ्रमणमा आएका बेला अमेरिकाका पूर्व राष्ट्रपति बिल क्लिन्टन पत्नी हिलारी क्लिन्टनसँगै जबरौली गाउँमा आएका थिए । राष्ट्रपति किल्टनको भ्रमणपछि जबरौली एकाएक चर्चित भएको थियो । 

हिलारीले राष्ट्रपतिको चुनाव जितेमा उनी त्यस गाउँमा फेरि आउने र त्यहाँको विकास हुने आशामा गाउँलेहरूले उनको सफलताको कामना गरेका हुन् । गाउँलेहरूले हिलारीको चित्र अंकित पोस्टर लिएर उनका पक्षमा नारा लगाएका थिए ।