सियोल । एलजी इलेक्ट्रोनिक्स (एलजी) ले एप्पल एयरप्ले र होम किट उपलब्ध गराउने घोषणा गरेको छ । यससँगै एलजी होम किट समर्थन गर्ने पहिलो अन्तराष्ट्रिय टेलिभिजन निर्माता बनेको छ । यो विशेषता एलजी ओएलइडी टिभी, नानो सेल टिभी र यूएचडी टिभीमा उपलब्ध गराइएको कम्पनीले जनाएको छ ।

फर्मवेयर अपडेटपछि यी विशेषताहरु २०१९ का थिंक एाअइ क्षमता भएका टिभीमा उपलब्ध हुनेछन् । एयरप्ले टु का साथ एलजी २०१९ एआइ टिभी भएका ग्राहकले सजिलै आइफोन, आइप्याड र म्याकबाट एलजी टिभीमा जडान गरी हेर्न सकिनेछ । त्यसैगरी प्रसारित सेवाहरु एलजी एाअइ टिभीमा सिंक पनि गर्न सकिन्छ ।