site stats
बाह्रखरी :: Baahrakhari
सम्पादकीय
Nabil BankNabil Bank
Sarbottam CementSarbottam Cement
Ghorahi CementGhorahi Cement
Agni Group
Global Ime bank

नेपाल भ्रमणमा रहेका भारतको गुप्तचर निकाय रिसर्च एन्ड एनालिसिस विङ (रअ) प्रमुखले सत्तारुढ दलका एक जना अध्यक्षलाई भेटेको समाचार सामाजिक सञ्जालमा बढी नै व्यापक भएको छ । ठूला छापाहरूमा ओझेलमा परेको यस समाचारलाई केही सञ्चार माध्यमले बढी नै सनसनीखेज बनाउन पनि खोजेको देखियो । रअसँग विगतमा पनि निकट सम्बन्ध रहेको मानिएका ती अध्यक्षसँगको भेट नेकपा (नेकपा) कै अर्का अध्यक्ष प्रधानमन्त्री केपी ओलीको जानकारीविनै भएको थियो वा थिएन भन्ने अडकलवाजी पनि अहिले उत्तिकै भइरहेको छ । अडकलवाजहरूले त भारतले नेपालको राजनीतिमा आफ्नो सामथ्र्य र समर्थन देखाउन जानीजानी शंका बढाउने प्रयोग गरेकोसमेत ठानेका छन् । प्रमुख विपक्षी पार्टी नेपाली कांग्रेसका सभापतिले पनि पूर्वप्रधानमन्त्रीको मर्यादाविपरीत सुटुक्क दूतावास पुगेर रअका प्रमुखसँग भेटेको चर्चाले पनि अस्थिरताको खिचडी पकाइँदै पो छ कि भन्ने सन्देह बढाएको छ ।   

राजनीतिक नेताहरूको नियतमा शंका नभए तिनले व्यक्तिगतरूपमा कोसँग भेटे वा भेटेनन् भन्ने जनचासोको विषय नै हुँदैनथियो । यस्तै, नेपालको आन्तरिक मामिलामा ‘माइक्रो म्यानेजमेन्ट’ गर्न तम्सने आरोप नलागेको भए रअका प्रमुख नेपाल आउँदा खासै चर्चा गर्नु पनि आवश्यक हुनेथिएन । विडम्बना, चर्को आरोप लगाउनेहरू नै रअसँग बढी निकट रहेको पोल छिटै नै खुल्यो । नेताहरूले पनि भेटलाई गोप्य राख्नुभन्दा जनचासोको विषय भएकाले सार्वजनिक जानकारी दिएको भए तिनको नियतमा शंका गर्नुपर्ने थिएन । तर, हालै नेपाल भ्रमणमा आएका रअका नवयिुक्त प्रमुखसँग कुन कुन नेताले भेटे भन्ने विषयलाई बढी नै रहस्यमय बनाइएको छ । यसबाट नेताहरू त जनताका आँखामा थप गिरेका त छन् नै रअ र समग्रमा भारतप्रति पनि नेपाली जनतामा सन्देह बढेको छ ।

नेपालको आन्तरिक राजनीति र ‘माइक्रो म्यानेजमेन्ट’मा बाहिरी हस्तक्षेप निम्त्याउने काम भने मूलतः राजनीतिक नेतृत्वबाटै भएको हो । निजी स्वार्थका लागि जे पनि गर्न नहिचकिचाउने स्वभावले गर्दा नै नेपालका राजनीतिक नेताहरूलाई विदेशीले पनि हेप्ने गरेका हुन् । नत्र, एउटा मुलुकको कर्मचारीले यसरी अर्को देशका पूर्वप्रधानमन्त्रीहरूलाई चाहेका बेला खोजेकै ठाउँमा भेट्ने कल्पनासम्म पनि गर्न सकिँदैन । पारदर्शी हुने र अभिलेखमा रहने हो भने यस्तो भेट खासै विवादको विषय बन्ने पनि थिएन । भारतका गुप्तचर प्रमुखले भेटेपछि चीन र अमेरिकाले पनि त्यही स्तरका कर्मचारीलाई नेपालका नेतालाई भेट्न पठाउन सक्छन् । यस्तै, भेनेजुएलासँग हिमचिम बढाएको मूल्य अमेरिकाको स्वार्थ पूरा गरेर तिर्नुपर्ने हुन्छ । यसैले कम्तीमा पनि परराष्ट्र मन्त्रालयका कर्मचारीको उपस्थितिविना राज्यको सुविधा लिने कुनै व्यक्तिले विदेशी कर्मचारीसँग भेट्न बन्द गर्नुपर्छ । कुनै मुलुकको गुप्तचर प्रमुखलाई यसरी सुटुक्क भेट्नेहरूले वैदेशिक हस्तक्षेपको आलोचना गर्नु पाखण्डको पराकाष्ठा हो । राजनीतिक नेताहरूले आफ्नो पदीय गरिमा कायम राख्ने हो भने वैदेशिक राजनीतिक हस्तक्षेप आफैँ बन्द हुनेछ । 
 

NIBLNIBL
प्रकाशित मिति: मंगलबार, साउन ७, २०७६  १४:२३
Sipradi LandingSipradi Landing
worldlinkworldlink
प्रतिक्रिया दिनुहोस्
Ncell Side Bar LatestNcell Side Bar Latest
Bhatbhateni IslandBhatbhateni Island
Kumari BankKumari Bank
Shivam Cement DetailShivam Cement Detail
Maruti cementMaruti cement
ICACICAC