काठमाडौं । अर्घाखाँचीमा आफ्नै छोरीलाई बलात्कार गरेको आरोपमा बाबु पक्राउ परेका छन् । सितगंगा नगरपालिका–१४ बस्ने ४२ वर्षीय बुबालाई आफ्नै १० वर्षीया छोरीलाई बलात्कार गरेको आरोपमा प्रहरीले पक्राउ गरेको हो । 

घटनाबारे अनुसन्धान भइरहेको प्रहरीले जनाएको छ । यस्तै मुस्ताङमा १६ वर्षीया किशोरीलाई जबरजस्ती करणी गरको अभियोगमा वारागुङ मुक्तिक्षेत्र गाउँपालिका–१ मुक्तिनाथ बजारमा ज्याला मजदुरी गरी बस्ने बाग्लुङ ढोरपाटन नगरपालिका–२ बुर्तिबाङ घर भएका रमेश घर्ती मगरलाई प्रहरीले पक्राउ गरेको छ । एक किशोरीलाई स्थानीय होटलमा लगेर बलात्कार गरेको आरोपमा उनलाई  ईलाका प्रहरी कार्यालय मुक्तिनाथ मुस्ताङको टोलीले पक्राउ गरेको हो ।