काठमाडौं । काठमाडौंमा ‘काठमाडौं मेरियट होटल’ सञ्चालनमा आएको छ । मेरियट होटलको फ्ल्यागसीप ब्रान्डले नेपालमा डेब्यु गरेको हो ।
आधुनिक यात्रालाई विस्तार गर्न डिजाइन गरिएको प्राइम लोकेसनमा अवस्थित होटल मेरियटले पछिल्लो पिँढीका यात्रुलाई आकर्षक सांस्कृतिक सहरसँग जोड्ने बताइएको छ । नेपालको राजधानी काठमाडौं व्यवसायिक यात्रु र फुर्सदिलो यात्राका लागि आश्चर्यजनक अनुभव बटुल्ने थलो हो । सानो परिधीमा दशवटा युनेस्को विश्व सम्पदा रहेको सहर घुम्ने पर्यटकलाई मेरियटले सुविधासम्पन्न तथा न्यानो आतिथ्यबाट आनन्द लिने सुविधा दिएको हो ।
मेरियट होटलमा प्रवेश गरेपछि अतिथिले नेपालप्रतिको सम्मानको भाव झल्किने विभिन्न वस्तुहरु देख्न सक्नेछन् । होटलको सिलिङ्गमा ५ सय केजीको घण्टी झुन्ड्याइएको छ र स्थानीय चित्रकला प्रयोग गरि भित्ताहरुलाई आकर्षक बनाइएको छ । होटलको प्याटे«न्ड कार्पेट ढाकामा भएको बुट्टाहरु जस्तै रहेको छ ।
२ सय १४ वटा सुव्यवस्थित कोठाले मेरियटको आधुनिक डिजाइनालाई प्रतिबिम्बित गर्दछ । परम्परागत डेस्कलाई लचिलो सतहले प्रतिस्थापित गरेर काम गर्न र आराम गर्न सहज स्थान बनाएको छ । बस्नका लागि नरम बिछ्यौना तथा नेस्टिङ कुनाको साथ अतिथिले बाहिरको हरियाली तथा सुन्दर हिमालको दृश्य नियाल्न सक्नेछन् ।
मेरियट इन्टरनेसनलका दक्षिण एसियाका क्षेत्रीय उपाध्यक्ष निराज गोभिलका अनुसार नेपाल पर्यटनको प्रबल सम्भावना भएको मुलुक हो र यही सम्भावनालाई मध्यनजर गरेर मेरियट नेपाल प्रवेश गरेको हो । उनले भने, “हामी हाम्रो फ्ल्यागसीप ब्रान्ड सुन्दर राज्य नेपालमा ल्याउन पाउँदा निकै खुसी छौं ।” मेरियटले अतिथिहरुको स्वभाव अनुसार संस्कृतिक अनुभवहरु प्रदान गने दाबी उनी गर्छन् ।
काठमाडौं मेरियट होटलका महाप्रबन्धक जिन लुइस रिपोचीले पनि काठमाडौं मेरियट होटल बस्नको लागि एकदम उत्तम बनाउनका लागि अतिथिको आवश्यकता महशुस गरिएको बताए । सोही खनुसार डिजाइन गरिएको बताउने रिपोचीले विशेष ४ डाइनिङ स्थानमा प्रचुर स्थानीय तथा अन्तर्राष्ट्रिय व्यञ्जन प्रदान गर्ने दाबी गरे ।
होटलका अतिथिले डाइनिङको अनेकौं अनुभव छनौट गर्न सक्छन् जसमध्ये ठमेल किचनमा स्थानीय र अन्तर्राष्ट्रिय खाना पेश गर्न अन्तक्र्रियात्मक लाइभ कुकिङ किचन राखिएको छ ।
यसैगरी एडमामी एशियन विशेषता भएको रेस्टुरेन्ट हो जसले थाई, जापनी र चिनीयाँ भोजन प्रश्तुत हुने गर्दछ । यस किचेनमा जसमा विशेष याकिटोरी स्टेसन पनि रहेको छ । होटलको म्युजिक बारको नाम रक्सी रहेको छ जसमा स्थानीय सामग्रीको ह्यान्ड ड्राफ्टेड ककटेल पेस हुन्छ र जाज म्युजिक सेसन पनि आयोजना हुने गर्दछ ।
बिहानको फ्रेस र फ्लेबरसहित बाइट वा दिउँसोको कफि ब्रेकका लागि होटलमा केबीसी–काठमाडौं बेकिङ किचन रहेको छ । यसमा स्वादिष्ट मिठाई तथा बेक्ड इन–हाउस पेस्ट्रीसँग फ्रेस एस्प्रेसो र कफि आधारित पेय पदार्थ अनुभव गर्न पाइन्छ ।
७४० स्क्वायर मिटर भन्दा बढी क्षेत्रफल भएको ब्यान्क्वेट स्पेससँगै काठमाडौं मेरियट होटल कन्फेरेन्स र बैठकका लागि सबैभन्दा नयाँ प्रविधि भएको उपत्यकाकै ठुलो होटल रहेको दाबी होटल छ । होटलको एम–क्लबबाट हिमालयको दृश्यावलोकन गर्न देखन सकिन्छ । होटलमा ४ वटा ट्रिटमेन्ट कोठा, स्विमिङ पुल र सुविधा सम्पन्न फिटनेस सेन्टरको सुविधा छ ।
