एजेन्सी । युनाईटेडका प्रशिक्षक गुनर सोल्सायरले युनाइटेडका एन्थोनी मार्सल र मार्कस रासफोर्डलाई नयाँ सिजनबाट मुख्य स्ट्राइकमा राख्ने तयारी भइरहेको बताएका छन् । युनाइटेडले बुधबार भएको प्रि–सिजनको पहिलो खेलमा लिड्स युनाइेडलाई ४–० गोलले पराजित गरेको थियो । उक्त खेलमा दुबै खेलाडीले युनाइटेडका लागि एक–एक गोल गरेका थिए ।
प्रि–सिजनको पहिलो खेलमा नै उत्कृष्ट प्रदर्शन गरेका दुबै खेलाडीप्रति आफ्नो नजर गएको र उनीहरुलाई मुख्य स्ट्राइकरको भूमिकामा राख्ने तयारी भइरहको सोल्सायरले बताएका छन् ।
“मार्कसले फ्रन्ट लाईनबाट खेल्छन्, कहिले उनी लेफ्ट साईड र कहिले एन्थोनी उनको साइडबाट खेल्छन् । दुबै खेलाडीलाई अव फ्रन्ट लाईनबाट खेलाउने तयारी भएको छ । दुबै खेलाडी अब सबै खेलमा स्ट्राइकरको भूमिकामा रहनेछन्,” सोल्सायले भने । साथै उनले दुबै खेलाडीले टिमको मुख्य भूमिकामा रहने बताए ।