विदेश
टोक्यो । जापानको क्योटोस्थित एनिमेसन स्टुडियोमा भएको एक शंकास्पद आक्रमणमा कम्तिमा १३ जनाको मृत्यु भएको छ । स्थानीय मिडियाका अनुसार एक जना मानिस विहीबार बिहान क्योटो एनिमेसन स्टुडियोमा छिरेर अज्ञात तरल पदार्थ छर्केका थिए । त्यसपछि उनले आगो सल्काएका थिए ।
दर्जनौ मानिस सो घटनाबाट घाइते भएका छन् । नाम उल्लेख नगरिएका शंकास्पद आक्रमणकारीलाई प्रहरीले पक्राउ गरेको छ । उनलाई केही चोट भएकोले अस्पताल लगिएको छ । एनएचकेले जनाएअनुसार १०ः३० बजेतिर सो भवनमा आगो लगाइएको थियो । तीन तले सो भवनमा उद्धारको कार्य जारी रहेको जनाइएको छ ।सो क्षेत्रका नजिकका मानिसले श्रृंखलाबद्ध विस्फोटको घटना समेत सुनेको बताएका थिए ।
(बीबीसी)
प्रकाशित मिति: बिहीबार, साउन २, २०७६ १२:३६
प्रतिक्रिया दिनुहोस्