एजेन्सी । एन्ड्रोइडका १ हजार भन्दा बढी एपहरुले हामीले अनुमति नदिएपनि व्यक्तिगत डाटाहरु हासिल गर्ने गरेको अनुसन्धानमा पत्ता लागेको छ । लोकेसन, ग्यागली, इमेल लगायत फोनका विभिन्न व्यक्तिगत जानकारीको पहुँच पाउन एपहरुले हामीसँग अनुमति माग्ने गरेका छन् तर आफ्ना डाटा अरुको हात लाग्न नदिन सो उपाय पर्याप्त नभएको पाइएको हो । फेडेरल ट्रेड कमिसनको प्राइभेट कनमा प्रस्तुत गरिएको रिपोर्टका अनुसार गुगल प्ले स्टोरका १,३२५ एपहरुले प्रयोगकर्ताले अनुमति नदिँदा समेत व्यक्तिगत डाटाहरु लिने गरेका छन् । 

यसका लागि अनुसन्धानकर्ताहरुले एन्ड्रोइडका ८,८०० एपहरुको निरीक्षण गरेका थिए । कतिपय लोकप्रिय एपहरुले समेत अवैध रुपमा लिएको व्यक्तिगत डाटाको पहिचान भएपछि यसको खुलासा भएको हो । हामीले पर्मिसन नदिँदा नदिँदै पनि एपले लोकेसन लगायतका टुल मार्फत एसडी कार्डका सुरक्षित फाइलहरु सम्मको पहुँच पाउने गरेको बताइएको छ । ती मध्ये चीनको बैदुको डिस्निल्यान्ड एप पनि परेको छ । यस्तोमा गुगलले एन्ड्रोइड क्यु अपरेटिङ सिस्टम मार्फत सबै नयाँ सफ्टवेयरलाई डाटा लिक गर्नबाट जोगाउने योजना बनाइरहेको बताएको छ । 

त्यसैले अहिले विभिन्न कम्पनीहरुले पर्मिसन माँगिरहने एपबाट दिक्क भएका प्रयोगकर्तालाई अन्य विकल्प प्रदान गर्ने प्रयास गरिरहेका छन् । जस्तै एप्पलको नयाँ सेक्युरिटी अपडेट अन्र्तगतको कार्यक्रममा आइओएस १३ ले कुनैपनि एपले हामीलाई अज्ञात रुपमा ट्रयाक गरिरहेको सम्बन्धी नोटिस पठाउने गर्दछ ।