विदेश
काठमाडौं । नेपालका गाउँ डुबाउने गरी भारतीय पक्षले सप्तरीको तिलाठीमा बाँध बनाउने र नेपाली जनताले भत्काउने भइरहेकै बेला संसारको
अर्को कुनामा एउटा छिमेकीले अर्को छिमेकीलाई सयौं वार्षिकोत्सवमा एउटा डाँडा नै उपहारमा दिने योजना बनाएको छ ।
फिनल्यान्ड स्थापनाको सयौं वार्षिकोत्सवका अवसरमा छिमेकी नर्वेले दुई देशको बीचमा पर्ने पहाडको चुचुरो उपहारमा दिन लागेको नर्वेली प्रधानमन्त्री कार्यालयका प्रवक्ताले जानकारी दिएका छन् ।
हफिङटन पोस्टका अनुसार दुई देशको सीमामा पर्ने हल्टी शिखर नर्वेले फिनल्यान्डलाई उपहार दिने योजना बनाएको हो । डाँडाको अधिकांश भूभाग फिनल्यान्डमा परे पनि ४३६७ फिट अग्लो चुचुरो भने नर्वेमा पर्छ । उपहार लिने दिने प्रक्रिया सकिएपछि दुई देशबीचको सीमा पुनःनिर्धारण हुनेछ ।
यो उपहार पाएपछि फिनल्यान्डको उचाइमा २० फिट थपिनेछ र सबैभन्दा अग्लो चुचुरो यही हुनेछ । नर्वेमा भने यसभन्दा अग्ला थुप्रै चुचुरा छन् ।
असल छिमेकी पनि भाग्यले पाइने न हो !
प्रकाशित मिति: शुक्रबार, साउन १४, २०७३ १४:४९
प्रतिक्रिया दिनुहोस्