काठमाडौं । हिमालयन बैंकले काठमाडौंको सुकेधारामा ५९ औँ शाखा सञ्‍चालनमा ल्याएको छ । शाखाको उद्घाटन बैंक सञ्चालक समितिका अध्यक्ष तथा प्रमुख अतिथि मनोजबहादुर श्रेष्ठले गरेका हुन् ।

श्रेष्ठले नेपालको आधुनिक बैंकिङ् क्षेत्रमा हिमालयन बैंक सुरक्षित, भरपर्दौ र विश्वसनीय भएको र नयाँ शाखा कार्यालयमार्फत हिमालयन बैंकका ग्राहकलाई अत्याधुनिक बैंकिंङ सेवा सुविधा दिने, उत्पादनशील व्यवसायमा संलग्न स्थानीय व्यक्तिहरुलाई आफ्नो व्यवसायको वृद्धिमा वित्तीय सहयोग गर्ने प्रतिबद्धता व्यक्त गरेका छन् । 

साथै  समृद्धिका लागि साना तथा मझौला उद्यम तथा व्यवसायको बृहत प्रबर्द्धन आवश्यक रहेको र त्यसकालागि हिमालयन बैंक उत्पादनशील क्षेत्रमा कृयाशिल व्यक्तिलाई सहयोग गर्दै अगाडि बढ्ने प्रस्ट पारे । 

उद्घाटन समारोहमा बैंक सञ्चालक समितिका सदस्यलगायत बैंकका प्रमुख कार्यकारी अधिकृत, वरिष्ठ कर्मचारी, स्थानीय उद्योगपति, व्यवसायीको उपस्थिती रहेको थियो ।