काठमाडौं । 

नेकपा माओवादी केन्द्रका अध्यक्ष पुष्पकमल दाहाल प्रचण्ड र नेपालका लागि चिनियाँ राजदूत उ चुन्ताईबीच शुक्रबार बिहान लाजिम्पाटमा भेटवार्ता भएको छ ।

भेटमा प्रचण्डले प्रधानमन्त्री केपी शर्मा ओलीले चीनसँग गरेका सन्धी, सम्झौता र समझदारी आफू नेतृत्वको सरकारले पनि निरन्तरता दिने बताएका थिए ।

भेटमा समसामयिक राजनीतिक अवस्था बारेमा छलफल भएको प्रचण्डको निजी सचिवालयले जनाएको छ । भेटमा प्रचण्डले राजदूत चुन्ताईलाई केही दिनभित्रै आफ्नो नेतृत्वमा सरकार बन्ने जानकारी गराएको उनको सचिवालयले जनाएको छ ।  यसैगरी राजदूत चुन्ताईले नयाँ बन्ने सरकारलाई चिनियाँ कम्युनिष्ट पार्टी र चिनियाँ जनताको समर्थन रहने बताएको प्रचण्डको सचिवालयले जानकारी दिएको छ ।